Թուրքիայի արտգործնախարար Ահմեդ Դավութօղլուն կրկին հայտարարել է, որ իր կառավարությունը ցանկանում է հանձնաժողով ստեղծել, որը հայկական կողմի հետ կզբաղվի պատմական փաստերի քննարկմամբ:
Սեպտեմբերի 20-ին Կանադայում Դավութօղլուն մասնակցել է թուրք գնդապետ Աթիլա Ալթիկատի հուշարձանի բացմանը, որն իբր սպանվել էր 30 տարի առաջ «հայ ահաբեկիչների կողմից», հայտնում է ctvnews.ca-ն:
Դավութօղլուն նշել է, որ իր ազգի համար անընդունելի է Ցեղասպանության մեջ մեղադրվելը: «Եթե Կանադան ցանկանում է Հայաստանի եւ Թուրքիայի հաշտեցմանը նպաստել, ապա ամենալավ միջոցն իր ներդրումն ունենալն է համատեղ հանձնաժողովի ձեւավորման գործում, երկուսի հետ էլ արդար քննարկել անցյալը եւ աշխատել միասին»,-ասել է Թուրքիայի ԱԳՆ-ի ղեկավարը:
Իր հերթին Կանադայի ԱԳՆ-ի ղեկավար Ջոն Բերդը չի նահանջել իր կառավարության նախկին դիրքորոշումից, որը 2006 թ. ճանաչել էր Օսմանյան կայսրությունում հայերի ցեղասպանությունը, սակայն հավելել է, որ ինքը հանդես կգա երկու կողմերի միջեւ երկխոսության օգտին:
http://news.am/arm/news/121919.html
Leave a Reply