«Բոսֆորի» համալսարանը, ինչպես նախորդ օրը նշել էր թուրքական էլեկտրոնային մամուլը, կլոր սեղան է կազմակերպել Փարիզում: Թեման, ինչպես ենթադրելի է, Հայոց ցեղասպանության ուրացումը քրեականացնող ֆրանսիական օրինագիծն է: Կլոր սեղանին հրավիրվել են Ֆրանսիայի խորհրդարանի արտաքին հարաբերությունների հանձնաժողովի նախագահ Էլիզաբեթ Գիգուն, մշակույթի նախկին նախարար Ժակ Լանգը, Թուրքիայի նախկին արտգործնախարար Յաշար Յաքըշը:
Միջոցառմանը Գիգուն, պատճառաբանելով, թե Սահմանադրական խորհուրդն ապօրինի է ճանաչել ցեղասպանության ուրացումը քրեականացնող օրինագիծը, անհավանական է համարել նոր օրինագծի պատրաստումը: Նրա կարծիքով, նախագահ Օլանդը թեեւ զգայուն է օրինագծի հարցում, սակայն Սահմանադրական դատարանն այդ որոշումով իրավաբանական հիմքից զրկել է նոր օրինագծի նախաձեռնությունը:
Նրան կրկնել է Լանգը, ապա ավելի նպատակահարմար է նկատել Ցեղասպանության հարցը խորհրդարանում քննարկելու փոխարեն հայ եւ թուրք պատմաբանների համատեղ հանձնաժողովում քննարկելու տարբերակը: Ինչ վերաբերում է Յաքըշին, ապա նա էլ նշել է, որ այդ օրինագիծը բացի թուրք-ֆրանսիական հարաբերություններից, լուրջ վնաս է հասցնում նաեւ հայ-թուրքական հարաբերություններին:
Ի դեպ, օրինագիծը գուցե վնասի թուրք-ֆրանսիական հարաբերություններին, սակայն հայ-թուրքականին վնասել չի կարող, որովհետեւ չկան այդպիսի հարաբերություններ:
Հ. Չ.
http://azg.am/AM/2012092103
Leave a Reply