Թուրք գնդապետն առաջարկել է Ալիևին «հերոս» Սաֆարովի արձանը կանգնեցնել բոլոր զորամասերում

Թուրքիայի քաղաքացի, թոշակի անցած գնդապետ-լեյտենանտ Բադրի Ուսթուները շնորհակալական նամակ է հղել Ադրբեջանի նախագահ Իլհամ Ալիևին՝  մարդասպան Ռամիլ Սաֆարովին ներում շնորհելու կապակցությամբ, հայտնում է ԱՊԱ-ն:
«Եթե ես լինեի Ձեր փոխարեն, նույն կերպ կվարվեի: Ես հիանում եմ Ձեզանով»,- գրել է թոշակի անցած գնդապետն ու առաջարկել հային կացնով սպանած «հերոսի» արձանը կանգնեցնել բոլոր զորամասերում, որպեսզի «այն օրինակ ծառայի յուրաքանչյուր ադրբեջանցի զինվորի համար»:«Քանի որ ես Ձեզանից մեծ եմ (նախագահին), ապա համբուրում եմ Ձեր աչքերը, այլապես կհամբուրեի Ձեր ձեռքերը: Այդպիսին պետք է լինի սերը ժողովրդի նկատմամբ, հայրենասիրությունը, քաջությունը»,- գրել է թուրք գնդապետը:

http://tert.am/am/news/2012/09/18/aliyev-safarov-statue/