Ջեմալ փաշայի թոռան բացահայտումը. Թուրք ազգայնականը վատ է զգացել, որ իր մայրը հայ է

Հայոց ցեղասպանության կազմակերպիչներից Ջեմալ փաշայի թոռան՝ «1915. Հայոց ցեղասպանություն» գրքում եւս մեկ սկանդալային բացահայտում է տեղ գտել:

Ինչպես տեղեկացնում է թուրքական Radikal-ը, Հասան Ջեմալը գրքում անդրադարձել է Cumhuriyet թերթի հայտնի ազգայնական լրագրող Իլհան Սելչուքի մոր ազգային պատկանելիությանը՝ շեշտելով, թե Սելչուքը մշտապես թաքցրել է այն: Իլհան Սելչուքն իր մտերիմներին նույնիսկ չի ասել, թե երբ է մահացել իր մայրը, եւ սուգ չի պահել:

Այս բացահայտումը թուրքական լրատվամիջոցներում մեծ արձագանք է գտել:

Ավելի վաղ թուրք լրագրող Թունջայ Օփչին գրել է, թե հայ ծանոթներից մեկն ասել է, թե Սելչուքը բարդույթավորվել է այն հանգամանքից, որ իր մայրը հայ է, իսկ մորաքույրը թաղված է Շիշլիի հայկական գերեզմանոցում, որի պատճառով Սելչուքն անցել է ազգայնականների կողմը:

http://news.am/arm/news/121359.html