Շախմատի օլիմպիադայի վերջին օրը Հայաստանի երեք քաղաքացիների են դանակահարել Ստամբուլում

Այս էր նաև պատճառը, որ թուրքական մամուլը 24 ժամ լռում էր Հայաստանի շախմատի օլիմպիական հավաքականի հաղթանակի մասին:

Դանակահարության փաստը թաքցվում է Թուրքիայի իշխանությունների և ոստիկանության կողմից, իսկ դանակահարվողներն առևտրական են և ստիպված լռում են: Armweeklynews կայքի աղբյուրները տեղեկացնում են , որ սեպտեմբերի 10-ի երեկոյան Ստամբուլի Քափալը Չարշը շուկայից ոչ հեռու գտնվող Յուքսել հյուրանոցի մոտակայքում երեք առևտրական հայ քաղաքացիներ դանակահարվել են անհայտ անձանց կողմից:

 Ընդ որում, դանակահարման պահին հանցագործներից մեկը գոչել է . «Շիմդի շամփյիոն օլուրսուն» (Հիմա չեմպիոն կդառնաս):

 Հայաստանի քաղաքացիներից մեկի վիճակը ծանր է, և ոստիկանությունը նրան տեղափոխել է հիվանդանոց, որի անունը և տեղը չի հրապարակվում: Իսկ մյուս երկու առևտրականները վերադարձել են Երևան և բուժում են իրենց ոտքին ու ուսին ստացված համեմատաբար թեթև վնասվածքները:

Թուրքական ֆաշիզմն անգամ սպորտի մեջ հայ մարզիկների հաղթանակը չի ներում և իր «գայլի ատմաներն» է ցուցաբերում:

 Հայաստանից Թուրքիա գնացող և վերադարձող առևտրականներն ամենաանպաշտպան մարդիկ են Ստամբուլում, քանի որ եթե բռնության ենթարկվեն էլ, չեն կարող ձայն հանել, որովհետև կզրկվեն իրենց ապրուստի միջոցից, կամ էլ ոստիկանությունը «գործ կսարքի»:

http://www.armweeklynews.am/awn/ms12/ms_1064.htm