Թուրքական «Իհլաս» լրատվական գործակալությանը հարցազրույց տված Պոլսո հայոց պատրիարքարանի Հոգևոր խորհրդի նախագահ Թաթուլ Անուշյանը կոչ է արել վերակառուցել Վանի պատմական տները:
Թաթուլ Անուշյանն այս տարի երրորդ անգամ իրականացված Աղթամարի Սուրբ Խաչ եկեղեցու պատարագից հետո հիշյալ լրատվամիջոցի թղթակցի հետ զրույցում արտահայտել է այն ցավը, որ ինքը ապրել է, երբ տեսել է, որ Վանի զանազան թաղամասերում եղած պատմական տների մեծ մասը փլվել է` այստեղ տեղի ունեցած երկրաշարժերի հետևանքով: Անուշյանը շեշտելով, որ այդ տները Վանի ավանդական ճարտարապետության էական տարրերից էին, նշել է. «Այդ պատմական տները Վանի դիմագիծն են: Մենք շատ ենք սիրում այդ կառույցները: Ուզում ենք, որ Վանի դիմագիծը եղող տները պահպանության տակ առնվեն: Շատ վշտացանք, երբ չկարողացանք դրանք տեսնել, երբ պատարագի համար Վան այցելեցինք: Լիահույս եմ, որ իրավասու հաստատություններն այդ ուղղությամբ աշխատանքներ կիրականացնեն: Մենք այն տեսակետին ենք, որ այս քաղաքում պետք է պատմական նորանոր տներ կառուցվեն: Քանզի պատարագին մասնակիցները ևս այս տների հարցում շատ զգայուն են: Պատարագին առաջին անգամ մասնակցողներն էլ հայտնեցին, որ չեն կարողացել տեսնել այդ տները: Մենք ակնկալում ենք, որ մինչև հաջորդ պատարագ կկառուցվեն և կպահպանվեն այդ տների նոր տարբերակները: Ես կոչ եմ անում այստեղի իրավասու հաստատություններին` խնդրում եմ, թույլ մի’ տվեք, որ այդ պատմական տներն անհետանան»:
Akunq.net
Leave a Reply