Ռամիլ Սաֆարովի հունգարական գործարքի մեջ թուրքական հետք կա

Սեպտեմբերի 12-ի գիշերը Ռամիլ Սաֆարովը Թուրքիայի վարչապետի երկրորդ ինքնաթիռով Բաքվից տեղափոխվել է Անկարա

Սեպտեմբերի 12-ին Անկարայի Էսենբողա օդանավակայանում Ադրբեջանից վերադարձող Թուրքիայի պատվիրակության մի հատվածին, որի մեջ ընդգրկված էին անվտանգության և ռազմական ոլորտի փորձագետներ և ովքեր վարչապետ Էրդողանի հետ չէին մեկնել Ուկրաինա, դիմավորելու էր եկել նաև Թուրքիայի MIT հետախուզական ծառայության ղեկավար Հաքան Ֆիդանը:

Սակայն Ֆիդանին սպասարկող ծառայողական մեքենան ավելի շուտ է հեռացել օդանավակայանից, քան պատվիրակությանը սպասարկող մեքենաների շարասյունը:

Հաքան Ֆիդանը օդանավակայանից հեռացել է այլ ծառայողական մեքենայով:

Իսկ MIT ծառայության ղեկավարին սպասարկող մեքենան նույն գիշերը մեկնել է Անկարայի Յենիմահալլե հատուկ հսկողության տակ գտնվող VIP թաղամաս, ուր բնակվում են թուրքական հետախուզական ծառայության պաշտոնաթող բարձրաստիճան սպաները:

Ում էր տանում Ֆիդանին սպասարկող մեքենան և ով էր ժամանել Բաքվից, որ այդ կարգով շտապ պետք էր նրան տեղափոխել հատուկ հսկողության տակ գտնվող Յենիմահալլե քաղաք-թաղամաս:

http://www.armweeklynews.am/awn/ms12/ms_1049.htm