ՄԻԵԴ-ը հերթական անգամ տուգանել է Թուրքիային

Մարդու իրավունքների եվրոպական դատարանը կրկին Թուրքիային դատապարտող որոշում է կայացրել: Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարբերականը, ՄԻԵԴ-ը այս անգամ գործը վարույթ է ընդունել Ռեմզի Քարադումանի, Ռեշաթ Ուշարի և Ուղուր Ուչարի հայցի հիման վրա: Վերջիններս Անկարայում 2002 թ. ձերբակալվել էին ահաբեկչական «Հեզբոլլահ» խմբավորման անդամ լինելու հիմնավորմամբ:

ՄԻԵԴ ներկայացված դիմումի մեջ հայցվորները նշել են, որ ձերբակալության ժամանակ իրենք մշտապես ենթարկվել են բռնությունների: Բացի դրանից, հայցվորների պնդմամբ` դատական գործի քննության մեջ եղել են թերություններ: Եվրոպական դատարանի որոշմամբ` Թուրքիան պարտավորվել է վճարել 23 հազար եվրո տուգանք:

http://armenpress.am/arm/news/693022/mied-y-hertakan-angam-tuganel-e-turqiayin.html