Հրանտ Դինքի անվան միջազգային մրցանակներն այս տարի կշնորհվեն 4-րդ անգամ Հրանտ Դինքի ծննդյան օրը` սեպտեմբերի 15-ին: Ամեն տարի այս պարգեւը տրվում է 2 հոգու, խմբերի կամ ինստիտուտների, որոնք գործում են Թուրքիայում կամ Թուրքիայից դուրս: Մրցանակին արժանանում են նրանք, ովքեր իրենց աշխատանքով ձգտում են նպաստել, որպեսզի աշխարհը զերծ լինի խտրականություններից, ռասիզմից ու բռնությունից, նրանք դիմում են ռիսկի հանուն իրենց իդեալների եւ օգտագործելով խաղաղության լեզուն` ներշնչում ու քաջալերում են մյուսներին:
Այս մրցանակով «Հրանտ Դինք» հիմնադրամը նպատակ ունի հիշեցնելու բոլոր նրանց, ովքեր պայքարում են իրենց գաղափարների համար, որ նրանց ձայնը լսելի ու աշխատանքը տեսանելի է, եւ նրանք միայնակ չեն:
Մրցանակաբաշխության արարողությունը կլինի Ստամբուլում, իսկ դրան կնախորդի համերգային ծրագիր: Արարողությունից հետո կլինի ասուլիս` մրցանակակիրների մասնակցությամբ:
Leave a Reply