Ստամբուլի Յեշիլքյոյ շրջանում 1951 թ-ից մինչ օրս փակ մնացած լատինական կաթոլիկ գերեզմանատունը կվերականգվի` Ստամբուլի քաղաքապետարանի թույլտվությամբ:
Ստամբուլի Յեշիլքյոյ շրջանում գտնվող լատինական կաթոլիկ գերեզմանատունը վերաբացվում է` 61 տարվա ընդմիջումից հետո: Այդ մասին հաղորդում է թուրքական «Սաբահը»:
Ստամբուլի քաղաքապետարանի քաղաքային խորհրդի կողմից արված նոր կարգավորմամբ մինչ այդ որպես խաղասրահ և մարզասրահ օգտագործվող սույն տարածքը վերստին գերեզմանոցի է վերածվել: Թուրքական իշխանությունները թույլատրել են նաև վերականգնել և վերաբացել 2736 քմ ընդգրկող այս տարածքում ավերակ վիճակում գտնվող մատուռը:
Բարութչուբաշը Դադյանին որպես նվիրատվություն տրված սույն գերեզմանոցն ու եկեղեցին 1951 թ. կադաստրային աշխատանքների շրջանակներում սեփականվել էին Ստամբուլի քաղաքապետարանի կողմից: Այդ տարեթվից մինչ օրս փակ պահված գերեզմանոցը վերաբացել ցանկացող լատինական կաթոլիկ եկեղեցին որպես մարզասրահ օգտագործվող սույն տարածքը դարձյալ գերեզմանոցի վերածելու խնդրանքով դիմել է Ստամբուլի քաղաքապետարանի Կառուցապատումների և բարեկարգումների հանձնաժողով: Վերջինս դրական պատասխանել է տվել եկեղեցու դիմումին:
Այսպիսով, 61 տարի անց հայկական և հունական գերեզմաններ ընդգրկող սույն տարածքը վերադարձվել է` ըստ դատական որոշման: Նշենք, որ օսմանյան սուլթան Աբդուլ Մեջիդի կողմից Բարութչուբաշը Դադյանին որպես նվիրատվություն տրված այս տարածքը մինչև 1925 թ. օգտագործվել էր հայկական, հունական և լատինական կաթոլիկ եկեղեցիների կողմից:
Akunq.net
Leave a Reply