Թուրքական բանակը երկրի հարավ-արևելքում գտնվող շրջաններում հատուկ գործողության ընթացքում սպանել է Քրդական աշխատավորական կուսակցության մոտ 30 զինյալ: Բախումները սկսվել են անջատողականների` Շիրնակ գավառում տեղակայված ռազմական օբյեկտների վրա հարձակման հետևանքով. այս մասին հաղորդում են տեղական ԶԼՄ-ները` վկայակոչելով անվտանգության մարմիններում իրենց աղբյուրները:
Հիշեցնենք, որ ավելի վաղ Բեյթուշեբաբ ավանում զինյալների հետ բախման ժամանակ թուրքական բանակը ոչնչացրել է ավելի քան 20 զինյալ: Նշենք նաև, որ Քրդական աշխատավորական կուսակցությունը, որը Միավորված ազգերի կազմակերպության կողմից ճանաչվել է որպես ահաբեկչական, մոտ 30 տարի է, ինչ Թուրքիայի տարածքում ձգտում է ստեղծել քրդական ինքնավարություն: Հակամարտությունը խլել է ավելի քան 30 000 մարդու կյանք:
Leave a Reply