Թուրքիայի Օրդու նահանգի նահանգապետարանը հայ, հույն և օսմանցի ճարտարապետների առանձնահատկություններն ընդգծող պատմական տները վերականգնելուն ուղղված աշխատանքներ է սկսել, հայտնում է Haberler-ը:
Նահանգապետ Օրհան Դյուզգունը հայտարարել է, որ կվերակառուցվեն Թաշբաթը թաղամասում գտնվող հին տները:
Նա տեղեկացրել է, որ տները վերակառուցվում են` ըստ նախնական տեսքի:
«Շենքերի ռեստավրացիային զուգահեռ` ճանապարհների վերանորոգման աշխատանքներ են իրականացվում: Փողոցները նույնպես հասցվելու են նախնական տեսքի` պատվելով խճաքարերով»,-ասել է նա:
Մշակույթի և զբոսաշրջության նախարարության կողմից իրականացվող աշխատանքներն սկսվել են մեկ տարի առաջ, ծրագրի շրջանակներում նորոգվել են փողոցները:
Մինչև սեպտեմբերի 15-ը նախատեսվում է վերակառուցել 13 տուն: Դրանից անմիջապես հետո սկսվելու են ևս 15 տների վերակառուցման աշխատանքները:
Leave a Reply