Նամակ
«Էնվերի նամակը` ուղղված թուրք փաշաներին և զինվորներին»*
Ինչի՞ համար եք նման սուտ և սխալ նամակներ հրապարակում:
Այո’, Էնվեր փաշան հայերի մարդասպանն էր. դա ճիշտ է:
Սակայն այս նամակի մեկ տողն անգամ չի կարող ճիշտ լինել, նամակ, որի նույնիսկ ամսաթիվը չեք կարողացել ներկայացնել: Մի՞թե Էնվեր փաշան այդչափ տխմար էր, որ այդքան բացահայտ գրեր: Մինչև իսկ Հիտլերի մոտ նման տող չեք կարող գտնել: Եթե նման կերպով գրված որևէ իսկական փաստաթուղթ գտնվի, մեծ աղմուկ կբարձրանա, և աշխարհում Հայոց ցեղասպանությունը չճանաչած մեկ հոգի իսկ չի մնա: Ձեր այս հոդվածն ընթերցողը կասկածով կվերաբերվի «Ակունք»-ում հրապարակված մյուս հոդվածներին: Ջնջե’ք նման հրապարակումները:
Արշալույս Ունջիյան
Պատասխան
Հարգելի’ Արշալույս Ունջիյան
Հիտլերը նույնպես որոշ բացահայտ բաներ է ասել և գրել, սակայն անգամ համայն աշխարհի կողմից ճանաչված նրա խոսքերը չեն ընդունվում Թուրքիայում: Եթե մի բան չեք ուզում ընդունել, չեք ընդունի և հազար ու մի պատրվակ կհնարեք: Թուրք պատմաբանների և քաղաքական գործիչների կողմից չեն ընդունվում նաև Թալեաթ փաշայի ծածկագիր հեռագրերը, և նրանք զանազան աճպարարությունների են դիմում` դրանց կեղծ լինելն «ապացուցելու» համար:
Հարգելի’ Ունջիյան, Էնվերի մարդասպան լինելն ընդունելով հանդերձ (որպես հայ` հավանաբար Ձեր ընտանիքում էլ են զոհեր եղել), կարծում եք, թե նա նման գրություններ չի հեղինակել, և դա մի քիչ տարօրինակ տրամաբանություն է: Հիտլերը, Էնվերը, Թալեաթը և այլ մարդասպաններ ինչպե՞ս իրենց գործը կանեին` առանց նման գրություններ գրելու: Ավելի հետևողական կլինեիք, եթե Ձեր հարցը հետևյալ կերպ ձևակերպեիք. «Մի՞թե Էնվեր փաշան այդչափ տխմար էր, որ այդ փաստաթղթերը չոչնչացներ»: Այո’, Միություն և առաջադիմություն կուսակցության առաջնորդները մի գիշեր գերմանական սուզանավով ծլկելիս իրենց հետ տարել էին նաև արկղերով լի փաստաթղթեր: Դա աշխարհին հայտնի փաստ է, և Թուրքիայում չկա որևէ մեկը, ով կժխտի այդ իրողությունը: Դրանք այն փաստաթղթերն էին, որոնք նրանք «գրելու չափ տխմար էին գտնվել» և «այնքան խելամիտ, որ իրենց հետևից չէին թողել»: Դուք էլ կընդունեք, որ մարդասպանը որքան էլ բանիմաց լինի, հետագայում անպատճառ մի շարք հանցանքի տարրեր կպահպանվեն, որոնք կդառնան ապացույց: Այս նամակն էլ հենց դրանցից մեկն է:
*Էնվերի նամակը տեսեք հետևյալ հասցեում http://akunq.net/am/?s=%D4%B7%D5%B6%D5%BE%D5%A5%D6%80%D5%AB+%D5%B6%D5%A1%D5%B4%D5%A1%D5%AF%D5%A8%60+%D5%B8%D6%82%D5%B2%D5%B2%D5%BE%D5%A1%D5%AE+%D5%A9%D5%B8%D6%82%D6%80%D6%84+%D6%83%D5%A1%D5%B7%D5%A1%D5%B6%D5%A5%D6%80%D5%AB%D5%B6+%D6%87+%D5%A6%D5%AB%D5%B6%D5%BE%D5%B8%D6%80%D5%B6%D5%A5%D6%80%D5%AB%D5%B6
Հարգանքներով`
Akunq.net
Leave a Reply