Վրաստանը պետք է ճանաչի Հայոց ցեղասպանությունն ու անմեղ զոհերի հուշակոթող կանգնեցնի. վրաց գործիչ

Վրաստանի տարածքում գոյություն ունի հայկական եկեղեցիների խնդիր, և այն անհրաժեշտ է լուծել` հաշվի առնելով հայկական ծագում ունեցող Վրաստանի քաղաքացիների շահերը: Այս մասին Վրաստանի էթնիկ փոքրամասնությունների առաջնորդների խորհրդի նիստում ասել է Իրաքլի Երկրորդի միության նախագահ Արչիլ Չկոիձեն:

Ինչպես հայտնում է Ռուսաստանի հայերի «Երկրամաս» թերթը, վրացական ոչ կառավարական կազմակերպության ղեկավարը շոշափել է նաև Հայոց ցեղասպանության ճանաչման ու դատապարտման հարցը: 

«Կարծում եմ` մի երկրում, որտեղ ապրում է 300 000 էթնիկ հայ, պետք է ճանաչել Հայոց ցեղասպանությունը, հատկապես, երբ Վրաստանը ճանաչել է չերքեզների ցեղասպանությունը: Սա է պահանջում պատմական արդարությունը: Վստահ եմ, որ Վրաստանում պետք է կանգնեցվի Հայոց ցեղասպանության զոհերի հուշակոթող, որտեղ կարող էին այցելել մեր հայրենակիցները` անմեղ զոհերի հիշատակին հարգանքի տուրք մատուցելու համար»,- ասել է նա:

http://tert.am/am/news/2012/09/04/chkoidze