Քուրդ աշխատավորական կուսակցության գրոհայինները առևանգել են Թուրքիայի իշխող կուսակցության ներկայացուցչին

Քրդական աշխատավորական կուսակցության գրոհայիններն առևանգել են Թուրքիայի իշխող Արդարություն և զարգացում կուսակցության` Հաքքարիի շրջանային ներկայացուցչության ղեկավար Մեջիթ Թարհանին: Այս մասին հաղորդում է Todays Zaman-ը:

Մեջիթ Թարհանը, որը երկու ժամկետ աշխատել է կուսակցության շրջանային ներկայացուցչության ղեկավարի պաշտոնում, ահաբեկիչների կողմից առևանգվել է երկուշաբթի առավոտյան: Նա մշտապես սպառնալիքներ է ստացել:

Հիշեցնենք, որ օգոստոսի սկզբներին էլ Թունջելի (Դերսիմ-«Ակունքի» խմբ.) նահանգի պատգամավոր Հուսեյին Այգյունն առևանգվել էր քուրդ գրոհայինների կողմից, այնուհետև, մի քանի օր անց ազատ արձակվել:

http://www.1in.am/arm/regional_turkey_109433.html