Վարագավանքի փրկության համար փնտրվում են տարածքի սեփականատերերը

Վան նահանգում գտնվող Վարագավանք համալիրի պատմական եկեղեցիների վերակառուցման համար փնտրվում են այդ հողատարածքների սեփականատերերը:

Ինչպես տեղեկացնում է Haberler կայքը, Յուքարը Բաքրաչլը գյուղի մոտակայքում գտնվող եկեղեցական համալիրի 7 եկեղեցիները գտնվում են մասնավոր սեփականություն համարվող հողատարածքներում:

Անցյալ տարվա ավերիչ երկրաշարժից էական վնաս կրած պատմական համալիրն այժմ ցավալի վիճակում է:

Թուրքիայի տուրիստական ընկերությունների միության տարածաշրջանային գրասենյակի պատասխանատու Աբդուլլահ Թունջդեմիրն այդ հողատարածքների տերերին կոչ է արել ներկայանալ, քանի որ եկեղեցին հազիվ է կանգուն մնում:

«Զբոսաշրջիկներն Աղթամարի վանք այցելելուց հետո այցելում են նաև այս համալիր: Սեպտեմբերի 9-ին Աղթամարում կայանալիք պատարագից հետո դարձյալ այցելելու են այստեղ: Սակայն գրեթե ավերակի վերածված այս եկեղեցու վիճակն այնքան էլ մխիթարական չէ: Ակնկալում ենք, որ հողատարածքների սեփականատերերը մեկ վայրկյան առաջ կապ կհաստատեն մեզ հետ»,-ասել է նա:

http://tert.am/am/news/2012/09/03/varagavank/