Թուրքիայի հարավ-արեւելքում` սիրիական եւ իրանական սահմանների մոտակայքում, թուրք զինվորականների եւ PKK-ի քուրդ գրոհայինների բախումների ընթացքում 30 մարդ է սպանվել, որոնցից 21-ը քրդեր են, հաղորդում է Ռոյթեր գործակալությունը: Քրդերի հակագրոհի հետեւանքով սպանվել են 9 եւ վիրավորվել 8 թուրք զինվոր ու ոստիկան: Բախումները կիրակի երեկոյան տեղի են ունեցել չորս տարբեր վայրերում:
Ավելի վաղ` օգոստոսի 31-ին, վարչապետ Ռեջեփ Թայիփ Էրդողանը հայտարարել էր, թե Թուրքիայում քրդական խնդիր այլեւս գոյություն չունի, քանի որ իշխանությունները լուծել են այն, հաղորդում է Անադոլու գործակալությունը:
Թուրքական իշխանությունների եւ PKK-ի` գրեթե երեսնամյա դիմակայության ընթացքում ավելի քան 40 հազար մարդ է սպանվել: Գրոհայիններն ուզում են քրդական պետություն ստեղծել Թուրքիայի հարավ-արեւելքում:
http://azg.am/AM/2012090416
Leave a Reply