Քրդերի հետ մարտերում ինը թուրք զինծառայող է զոհվել

Թուրքիայում Քրդական բանվորական կուսակցության ապստամբների հետ դաժան բախումների արդյունքում ինը զինծառայող եւ ոստիկան է զոհվել: Անվտանգության եւս ութ աշխատակիցներ վիրավորվել են:

Ինչպես, Reuters-ին վկայակոչելով, գրում է ԻՏԱՌ-ՏԱՍՍ-ը, մարտն ընթանում է Շըրնաքում` Սիրիայի եւ Իրաքի հարավարեւելյան սահմանի մոտակայքում:

1984 թ-ից Քրդական բանվորական կուսակցությունը զինված պայքար է մղում էթնիկ քրդերի ինքնավարության համար, որոնք հիմնականում բնակվում են Թուրքիայի արեւելյան դժվարամատույց շրջաններում: Բախման արդյունքում այս ընթացքում, ըստ տարբեր գնահատականների, զոհվել է արդեն ավելի քան 45 հազար մարդ:

http://news.am/arm/news/119351.html