Նախկին հայկական գերեզմանատան` ներկայիս Անկարայի Օպերային թատրոնի տարածքում ոսկորներ են հայտնաբերվել

Թուրքիայի մայրաքաղաք Անկարայի Օպերայի և բալետի թատրոնի շենքի վերանորոգման աշխատանքների ժամանակ գանգ և մարդու ոսկորներ են հայտնաբերվել, հայտնում է Hurriyet-ը:

Մասունքները գտնվել են բեմի հատվածում՝  25-30 մ խորության վրա: Հայտնաբերվել են նաև խեցեգործական նմուշներ: Դրանք ուղարկվել են թանգարան:

Վերանորոգման աշխատանքները դադարեցվել են, որպեսզի հնագետներն ուսումնասիրեն տեղանքը: Ըստ նախնական տեղեկությունների՝ գտածոները վերաբերում են Հռոմեական շրջանին:

Թատրոնի շենքը կառուցվել է 1933-ին: Ըստ որոշ տվյալների՝ Օսմանյան կայսրության շրջանում թատրոնի շենքի տարածքում հայկական գերեզմանոց է եղել, որին էլ կարող են պատկանել գտածոները:

http://tert.am/am/news/2012/08/30/ankara-arm-cemetery/