Մեծի Տանն Կիլիկիո կաթողիկոսը հրատարակում է մինչեւ Ցեղասպանությունը Թուրքիայում հայաբնակ քաղաքների պատմությունը

Ցեղասպանության 100-ամյակի նախաշեմին Մեծի Տանն Կիլիկիո Արամ Ա կաթողիկոսի վերահսկողությամբ գրքերի շարք է հրատարակվելու, որոնցից ամեն մեկը նվիրված է մի քաղաքի, որտեղ հայերն ապրել են դարեր շարունակ` մինչեւ Ցեղասպանությունը:

Ինչպես հաղորդում է «Nouvelles d`Arménie»-ն, առաջին հատորը` «Ադանայի պատմությունը», որը գրվել է պատմաբան Բյուզանդ Եղիայանի կողմից, արդեն հրատարակվել է: Տպագրությանն աջակցել են Մահսերեջյան ամուսինները Աբու Դաբիից:

Յուրաքանչյուր հատոր կհրատարակվի հազար օրինակ տպաքանակով եւ կտրամադրվի Հայաստանի, Ղարաբաղի, ինչպես նաեւ սփյուռքի համայնքների գրադարաններին, կրթական եւ մշակութային հաստատություններին:

Հաճնին նվիրված երկրորդ հատորն արդեն տարվել է տպագրության եւ շուտով լույս կտեսնի:

http://news.am/arm/news/119027.html