Սիրիական ազատ բանակի կենտրոնակայանը գտնվում է Թուրքիայում

Սիրիայի իշխանության դեմ գործող Սիրիական ազատ բանակի ինտերնետային կայքում բանակի` որպես հիմնական բազա նշվել է Թուրքիայի Հաթայ (Անտիոք) քաղաքը: Ամենահետաքրքիրն այն է, որ բանակի կենտրոնակայանի հետ կապ հաստատելու համար կայքում նշված է Թուրքիայում գրանցված հեռախոսահամար եւ էլեկտրոնային հասցե: Կայքում տեղադրվել է նաեւ անցյալ տարի Թուրքիայում ապաստանած եւ բանակի ղեկավարությունը ստանձնած Ռիյադ ալ Ասադի` սիրիացի ընդդիմադիրներին հղած դիմումը, նրա տեղակալի եւ «բանակի» շտաբի պետի լուսանկարները:

Ինչպես հաղորդում է «Արմենպրես»–ը` վկայակոչելով թուրքական ԶԼՄ-ները, Սիրիական ազատ բանակի կենտրոնակայանը Հաթայում տեղակայված լինելու փաստը ցնցել է թուրքական հասարակությանը: Կայքում «բանակի» ղեկավարության հետ կապ հաստատելու համար նշված է թուրքական հեռախոսահամար:

Օսմանյան կայսրության փլուզման տարիներին Անտիոքի շրջակա տարածքները` Ալեքսանդրեթի (ներկայիս Իսքենդերուն նավահանգիստ) հետ միասին, միացվել է Հալեպի նահանգին, ինչն ամրագրվել է 1918 թ. կնքված Մոնթրոյի եւ 1921 թ. կնքված Անկարայի համաձայնագրերով: Երկրորդ համաշխարհային պատերազմի նախօրեին` 1938 թ. հուլիսի 5-ին, թուրքական բանակը ներխուժել է Անտիոք եւ այդ տարածքը բռնակցել Թուրքային:

http://armenpress.am/arm/news/691633/siriakan-azat-banak-i-kentronakayany-gtnvum-e-turqiayum.html