Զմյուռնիայի մասին` Չեփման համալսարանում

Օրանժում (Կալիֆոռնիա) գործող Չեփման համալսարանի «Ողջակիզման իրազեկման Ռոջըրզ կենտրոնի», Ստեռնի «Ողջակիզման իրազեկման» ամբիոնի եւ «Ողջակիզման հուշահամալիր-գրադարանի» (տնօրեն` դոկտ. Մարիլին Հարան) հովանավորությամբ սեպտեմբերի 5-ին մեկնարկելու է Չեփման համալսարանի աշնանային դասախոսությունների շարքը` Զմյուռնիայի (Իզմիր) մեծ հրդեհին եւ հայ-հունական ծաղկուն համայնքների փլուզմանը նվիրված դասախոսությամբ, որը կարդալու է պրոֆ. Ռիչարդ Հովհաննիսյանը:

Ըստ վերոնշյալ համալսարանից ստացված հաղորդագրության` պրոֆեսորի «Պատերազմը եւ էթնիկական զտումները: Զմյուռնիա, 1922-2012 թթ.» դասախոսությունը, որն ուղեկցվելու է էկրանային լուսանկարների ցուցադրությամբ, նվիրված է լինելու Զմյուռնիայի ջարդերի 90-րդ տարելիցին: Պրոֆեսորը այնուհետեւ պատմության գծով մագիստրոսի տիտղոսի թեկնածուներին 15 շաբաթվա դասընթաց է կարդալու Հայոց ցեղասպանության պատմության վերաբերյալ:

Հ. Ծ.

http://azg.am/AM/2012082910