Մարութա Սուրբ Աստվածածին եկեղեցու ավերման փաստով Թուրքիայի դատախազությունը հետաքննություն է սկսել

Թուրքիայի Սասունի շրջանում Մարութա սարի գագաթին գտնվող հայկական Սուրբ Աստվածածին եկեղեցու ավերման հարցով հետաքննություն է սկսվել:

Ինչպես տեղեկացնում է թուրքական  Haberler կայքը, գյուղապետ Բահադիր Յորուքը հայտարարություն է արել, թե եկեղեցին ավերվել է անհայտ անձանց կողմից:
«Դեպքի առնչությամբ դատախազությունը հետաքննություն է սկսել: Ժանդարմերիան ուսումնասիրություն է իրականացրել դեպքի վայրում: Մեր պահանջով տարածքն ուսումնասիրել է նաև նահանգի Մշակույթի վարչության աշխատանքային խումբը: Այժմ սպասում ենք նրանց զեկույցին, որ առաջնորդվենք դրանով»,- ասել է Յորուքը:

Ավանդույթի համաձայն` այս տարի ևս` հուլիսի 30-ին, Հայաստանից և Թուրքիայի տարբեր բնակավայրերից հավաքված հայերը արևածագը դիմավորել են 2.983 մետր բարձրություն ունեցող Մարութա լեռան գագաթին, ապա մոմ էին վառել Սուրբ Աստվածածին եկեղեցում:
Եկեղեցին ավերվել էր դրանից հետո: Լուրը լսելուց հետո  Սասունի հայերի միությունը դիմել էր դատախազություն:

http://tert.am/am/news/2012/08/27/maruta-astvavatsin/