Թուրքիան, ի թիվս այլ փախստականների Սիրիայից, կարող է ընդունել իր տարածքում նաեւ սիրիահայերին: Այդ մասին հայտարարել է Թուրքիայի արտաքին գործերի նախարար Ահմեդ Դավութօղլուն` նշելով, որ թուրքական կողմը պատսպարում է Սիրիայից գաղթած սուննիներին, արաբներին եւ թուրքմեններին:
«Եթե վաղը բռնության ու խոշտանգումների ալիք սկսվի Սիրիայում, ապա մենք կարող ենք հյուրընկալել նաեւ այդ երկրում ապրող քրիստոնյաներին: Մենք կպաշտպանենք նաեւ Սիրիայից գաղթած քրդերի իրավունքները»,- նշել է Դավութօգլուն:
Հարցին, թե արդոք դռները բաց են նաեւ այն հայերի համար, ում նախնիները գաղթել են Թուրքիայից 1915 թվականին, նախարարն ասել է. «Վիճակն այնպիսին է, որ մոռացության կմատնվի նաեւ 1915 թվականի իրավիճակը: Մեր մշակույթն այնպիսին է, որ մենք ոչ մեկի նկատմամբ ատելություն չենք տածում եւ քինախնդիր չենք: Մեր դռները բաց են բոլորի առջեւ»:
Leave a Reply