Բացառված չէ, որ Անկարայի` Սիրիայի հյուսիսային մասում փախստականներին տեղակայելու համար բուֆերային գոտի ստեղծելու մասին կոչը պայմանավորված է նրանով, որ ի դեմս սիրիացի փախստականների` երկրի տարածքում կարող է քրդական նոր անկլավ ձեւավորվել: Այս մասին NEWS.am-ի թղթակցին ասաց Գերմանական խորհրդին կից Բերթոլդ Բեյցի անվան կենտրոնի արտաքին քաղաքականության հարցերով տնօրեն Ալեքսանդր Ռարը` նշելով, որ Թուրքիայի համար քրդական հարցն ամենավտանգավորն է:
Մեկնաբանելով քաղաքագետների այն կարծիքը, թե Սիրիայից հետո հերթը Թուրքիային է, քանի որ 70 հազ. սիրիացի փախստականները կարող են միանալ Թուրքիայում եւ Իրաքում քուրդ ապստամբների հետ, Ռարը նշեց, որ չունի տեղեկատվություն, որ սիրիացի փախստականները քրդեր են: «Չնայած նրան, որ քրդական գործոնը դարեր շարունակ գոյություն ունի Թուրքիայում, տվյալ պահին դրա ակտիվացման համար նախադրյալներ չկան: Ներկայում տնտեսական աճն ու Թուրքիայի բարեկեցության ցուցանիշները բավականին բարձր են: Բացի այդ, Թուրքիան առաջատար տարածաշրջանային պետություն է, որը ԱՄՆ-ի եւ եվրոպական երկրների հետ ձեռք ձեռքի է Իրանի եւ Սիրիայի հարցում»,-նշեց քաղաքագետը:
Leave a Reply