Թուրքական առաջատար թերթերից «Հյուրիյեթի» սյունակագիր Սեդաթ Էրգինն անդրադարձել է թուրքական քաղաքական շրջանակներում «հայ» բառի վիրավորական կիրառության դեպքերին` բերելով վերջերս գրանցված թարմ օրինակը:
Արդարություն և զարգացում կուսակցությունից պատգամավոր Մուհյեթթին Աքսաքը անցած երեքշաբթի իր կուսակցության նահանգային ժողովի ժամանակ ելույթում PKK-ի սպանված անդամների վերաբերյալ ասաց ոչ թե «չեզոքացված», այլ «սատկացված»:
Սակայն Աքսաքի այլ խոսքերում նույնպես լուրջ խնդիրներ կային: Աքսաքը, խոսելով PKK-ականներից, նրանց անվանեց «հայ կրոնափոխների (դյոնմե) զավակներ»: Երկու անգամ պատգամավոր ընտրված, իշխող կուսակցության անդամը «կրոնափոխ հայերի զավակներ» արտահայտությունը միանշանակ արեց վիրավորական երանգով:
Այսինքն` հայկական արմատներ ունենալը վիրավորակա՞ն է, ըստ նրա, մե՞ղք է: Սա թուրք հասարակության զգալի մասի մշակույթի մտավոր ծածկագրերից չազատված բնազդներից մեկն է»,-իր հոդվածում նշում է թուրք հոդվածագիրը:
Նշենք, որ Թուրքիայում մինչ օրս լայն զանգվածների շրջանակում «հայ» բառն ունի բացասական իմաստ և որպես հայհոյանք է օգտագործվում:
Leave a Reply