Հայկական պատարագին ընդառաջ

Վանում գտնվող Աղթամար կղզու Սուրբ Խաչ եկեղեցում շարունակվում են այս տարի նախատեսվող պատարագի նախապատրաստական աշխատանքները:

Այդ մասին հաղորդում է թուրքական «Իհլաս» լրատվական գործակալությունը: Հիշեցնենք, որ այս տարվա պատարագը երրորդը կլինի հիշյալ եկեղեցում` վերանորոգումից հետո:

Աղբյուրի փոխանցմամբ`Աղթամարի կղզում գտնվող հայկական պատմական եկեղեցում այս տարի նախատեսվող պատարագի կապակցությամբ համապատասխան հաստատությունների տնօրենները մի քանի շաբաթ առաջ հանդիպել էին փոխնահանգապետ Աթայ Ուսլուի հետ: 2012 թ. սեպտեմբերի 9-ին, ժամը 11.00-ին նախատեսվող պատարագից առաջ հաստատությունները շարունակում են իրենց բնագավառներին վերաբերող նախապատրաստական աշխատանքները: Ըստ աղբյուրի` այս տարի էլ պատարագին մեծ մասնակցություն է սպասվում:

Akunq.net