Թուրքիայի հետախուզությունը շարունակում է հայերենի մասնագետներ փնտրել

Թուրքիայի ազգային հետախուզական ծառայությունը (MIT) հայերեն, արաբերեն, պարսկերեն և եբրայերեն լեզուներից որևէ մեկն իմացող մարդկանց է փնտրում:
Հետախուզական ծառայությունից տեղեկացրել են, որ արդեն բազմաթիվ դիմումներ են ստացել, և չնայած դրան, ցանկացողները կարող են դիմել մինչև սեպտեմբերի 3-ը:

«Թեկնածուները արաբերեն, ֆրանսերեն, հայերեն լեզուներից որևէ մեկին պետք է լավ տիրապետեն, լինեն Թուրքիայի քաղաքացի, պետք է առնվազն ավագ դպրոց ավարտած լինեն, իսկ արտերկրում սովորած դիմորդների դիպլոմները պետք է հաստատված լինեն Թուրքիայի կրթության նախարարության կողմից»,- ասված է ծառայության տարածած հաղորդագրության մեջ:

Աշխատանքի ընդունվել ցանկացողները  պետք է պարտադիր զինծառայություն անցած լինեն կամ ծառայությունը պետք է հետաձգված լինի մինչև առնվազն 2013թ-ը:

http://tert.am/am/news/2012/08/22/mit-armenian/