Քուրդ պատգամավորն Էրդողանի կուսակցին արգելել է քրդերին «եղբայր» անվանել

Թուրքիայում ամենախոշոր քրդական Խաղաղություն և ժողովրդավարություն կուսակցության պատգամավորը պատասխանել է իշխող Արդարություն և զարգացում կուսակցության անդամ Մուհյեթթին Աքսաքի կողմից քրդերին վիրավորող արտահայտությանը: Ինչպես հաղորդում է «Արմենպրես»-ը, այս մասին տեղեկացնում է թուրքական «Միլլիեթ» պարբերականը:

Քրդական կուսակցության ներկայացուցիչ, Մուշի պատգամավոր Սըրրը Սաքըքը հիշեցրել է իշխող կուսակցության անդամին, թե ինչպես են քրդերն օգնություն ցուցաբերել օգոստոսի 21-ին ավտովթարի ենթարկված թուրք զինվորներին: «Նայիր, լսիր, որ ամաչես: Մարդկության և իսլամի մեջ մահացածների նկատմամբ նման վիրավորանք որտե՞ղ կա: Անարգանքը դիակների նկատմամբ  իսկական ֆաշիզմ է և ռասիզմ: Այսուհետ քրդերին հանկարծ եղբայր չանվանես: Քրդերից ոչ քո նման եղբոր կարիք ունեն, ոչ էլ այդքան համբերություն»,- ասել է զայրացած քուրդ պատգամավորը:

Ավելի վաղ Թուրքիայում իշխող Արդարություն և զարգացում կուսակցության ներկայացուցիչ` Էրզրումի պատգամավոր Մուհյեթթին Աքսաքը պահանջել էր, որ Քրդական բանվորական կուսակցության (PKK) հետ բախման հետեւանքով սպանված քուրդ զինյալների մասին խոսելիս «զոհվելու» փոխարեն կիրառվի «սատկել» բառը:

http://armenpress.am/arm/news/690993/qurd-patgamavorn-erdoxani-kusakcin-argelel-e-qrderin.html