Կարսում մզկիթի վերածված հայկական եկեղեցու փակ լինելը դժգոհություն է առաջացրել զբոսաշրջիկների շրջանում

Կարսում մզկիթի վերածված հայկական Սուրբ Առաքելոց եկեղեցու տևական փակ լինելը լուրջ դժգոհություն է առաջացրել տեղացիների և օտարերկրացիների շրջանում: Ինչպես հաղորդում է «Արմենպրես»-ը, այս մասին տեղեկացնում է Haberler.com կայքը:

Պատմական Կարսի բերդի ներքևում գտնվող նախկին հայկական եկեղեցի այցելող շատ զբոսաշրջիկներ տեղական իշխանություններից պահանջել են մշտապես բաց պահել եկեղեցին` բողոքելով, որ հնարավորություն չեն ունենում ներս մտնել և տեսնել այն:

Կարսի Սուրբ Առաքելոց եկեղեցին կառուցվել է 940–ական թվականներին` Աբաս Բագրատունու օրոք: Դեռևս 1918 թ. Հայաստանի առաջին հանրապետության հռչակման ժամանակ տաճարը գործում էր որպես հայկական եկեղեցի: Այնուհետև 1920 թ. Սուրբ Առաքելոց եկեղեցին փոխարկվում և վերածվում է մզկիթի:

http://armenpress.am/arm/news/690911/karsum-mzkiti-veratsvats-haykakan-ekexecu-pak-linely-dzhgohutyun.html