Թուրքիայում իշխող Արդարություն և զարգացում կուսակցության` Էրզրումի պատգամավոր Մուհյեթթին Աքսաքը պահանջել է, որ բախումների ժամանակ սպանված ՊԿԿ-ի անդամների առնչությամբ կիրառվի «սատկել» բառը: Պատգամավորը ՊԿԿ-ի անդամների մասին խոսելիս օգտագործել է «հայ դավանփոխեր» արտահայտությունը:
Ինչպես նշում է «Էվրենսել» պարբերականը, Արդարություն և զարգացում կուսակցության ներկայացուցիչները չափն անցել են` տարածաշրջանում հետզհետե աճող բախումների և արձանագրվող քաղաքական զարգացումների պատճառով: Նրանք, քրդական Խաղաղություն և ժողովրդավարություն կուսակցությանն ուղղված ծանր վիրավորանքներից և սպառնալիքներից հետո, այս անգամ էլ քննադատում են թաղման արարողությունները:
Հիշյալ պատգամավորը մասնավորապես ասել է. «Դրանց համար պետք է ասենք` «սատկեցին»: Դա չի վերաբերում մեր քուրդ եղբայրներին: Երբ հետևում ենք դրանց, կա’մ «ծախու հոգիներ» են դուրս գալիս, կա’մ «դավանափոխ հայերի» լակոտներ, կա’մ էլ` Սիրիայից և Իրանից մեր երկիր թափանցած «ստոր արարածներ»: Միայն այդքանը»:
Akunq.net
Leave a Reply