Հայերը թուրքական համերգ են կազմակերպում Հոլիվուդում. համահայկական բողոքի կոչեր են հնչում

Օգոստոսի 26-ին Հյուսիսային Հոլիվուդում հայերին պատկանող Memories Banquet Hall-ում թուրքական համերգ կանցկացվի, տեղեկացնում է Գլենդելի «Միացյալ հայ երիտասարդներ» (ՄՀԵ) կազմակերպությունը՝ կոչ անելով համահայկական բողոքի ցույց անցկացնել:

Ակցիայի նախաձեռնողները հայտնում են, որ համերգի հովանավորները ևս հայեր են՝ ի դեմս Big Star Floor Covering կազմակերպության, փոխանցում է Tert.am:

Ըստ ՄՀԵ-ի՝ նախատեսվում է «խաղաղ և քաղաքակիրթ» բողոքի ցույց՝ նշված սրահի դիմաց՝ թուրքական համերգից մեկ ժամ առաջ: Կազմակերպությունը սպասվող համերգը որակում է «դժբախտություն»: Ըստ երիտասարդ հայերի՝ «գոյություն ունի կարմիր սահմանագիծ, որից հայերը չպետք է նահանջեն» թուրքերի հետ իրենց հարաբերություններում:

«Եթե հայերը թուրքերի ցեղասպանություն իրականացրած լինեին, թուրքերը երբեք թույլ չէին տա իրենց ռեստորաններում հայկական համերգներ կազմակերպել»,- ասված է հայտարարության մեջ:

Ուշագրավ է, որ թուրքերեն է նաև միջոցառման պաստառը: Թուրքալեզու պաստառից դատելով՝ խոսքը թուրք-արաբա-հունական երաժշտական միջոցառման մասին է:

http://haynews.am/hy/1345453793