Պոլսո Քընալը կղզու Քարագյոզյան մանկական ճամբարն այս տարի հյուրընկալել էր Գավառի մանկատան սաներին: Պոլսո հայոց պատրիարքարանի հրավերով և «Nunios» հայ-շվեդական բարեգործական հիմնադրամի օժանդակությամբ մանկատան 25 սանից և 10 ուղեկցորդից բաղկացած խումբը Պոլսոյ հայ երեխաների հետ մեկ շաբաթ անց են կացրել Քարագյոզյան ճամբարում: Հայր Թաթուլ Անուշյանի անմիջական մասնակցությամբ և օժանդակությամբ երեխաներն այցելել են նաև Պոլսո հայկական եկեղեցիներ, Շիշլիի հայկական գերեզմանո, Սուրբ Փրկիչ հիվանդանոց:
Գավառի մանկատան սաները, տեղի հայ մանուկների հետ միասին, միջոցառումներ են կազմակերպել: Երեխաների խոսքերով` իրենց հետ Հայաստան են տանելու թանկ հուշեր: Մանկատան փոխտնօրեն Համլետ Բեսալյանը նշեց, որ տունդարձի ճանապարհը անցնելու է պատմական Հայաստանով: Երեխաներն այցելելու են Անի, Կարս` ծանոթանալու իրենց պատմության կենդանի վկաների հետ:
Ճամբարի վերջին օրը, ի նշան երախտագիտության, մանկատան սաները պատրաստել էին փոքրիկ համերգ Քընալը կղզու հանդիսատեսի համար: Հանդիսատեսը ջերմ ծափահարություններով ընդունեց սաներին: Քընալը կղզու հայերը, լսելով համերգի մասին, շտապել էին պահ առաջ ներկայանալ և ունկնդրել երեխաների` ջանասիրաբար պատրաստած համերգը: Միջոցառմանը ներկա էր նաև հայր Թաթուլ Անուշյան, ով իր ելույթի մեջ կոչ արեց կառչած մնալ արմատներին, պահպանել մայրենի լեզուն:
Akunq.net
Leave a Reply