Թուրքիայի ՆԳ նախարարին քարկոծել են

Թուրքիայի ներքին գործերի նախարար Իդրիս Նահիմ Շահինին քաղաքացիները քարերով հեռացրել են հարավարևելյան Հաքքարի քաղաքից: Ինչպես հաղորդում է «Արմենպրես»-ը՝ վկայակոչելով թուրքական Զամանը, այցի ընթացքում Շահինը զրույցի է բռնվել Հաքքարիի Ջումուրիեթի փողոցի կրպակատերերի հետ:

Այդ ժամանակ մի խումբ երիտասարդներ, Քուրդիստանի ժողովրդական կուսակցության կոչերով, քարեր են նետել նախարարի ուղղությամբ: Նրան որևէ վնաս չի հասցվել, քանի որ անվտանգության ուժերը շրջապատել են Շահինին և ուղեկցել մոտակա խանութ: Ոստիկանությունը խմբին ցրելու համար օգտագործել է արցունքաբեր գազ:

http://armenpress.am/arm/news/690718/turqiayi-ng-nakhararin-qarkotsel-en.html