Թուրքիայում գտնվող հունական Սումելա վանքում 3-րդ անգամ պատարագ իրականացվեց

Թուրքիայի Տրապիզոն նահանգի Մաչքայի շրջանում գտնվող պատմական Սումելա ուղղափառ վանքում 2-րդ անգամ է պատարագ  մատուցվել։

Սուրբ Աստվածածնի վերափոխման տոնի առթիվ մատուցված պատարագին մասնակցել են մոտ երեք հարյուր քրիստոնյաներ, ովքեր ժամանել էին Հունաստանից, Ռուսաստանից, Վրաստանից, ԱՄՆ-ից եւ Թուրքիայի տարբեր նահանգներից։ Պատարագին ներկա են եղել նաեւ Մաչքայի քաղաքապետ Էրթուղրուլ Գենչը եւ Ստամբուլում Հունաստանի գլխավոր հյուպատոս Նիկոլաս Մատիոդակիսը:

Պատարագն առանց միջադեպերի անցկացնելու համար Տրապիզոնի նահանգապետարանը վանքում տեղակայել էր անվտանգության աշխատակիցներ:

Պատարագը մատուցվել է Հունաց պատրիարք Դիմիտրիս Բարդուղիմիեոսի գլխավորությամբ:

Լրագրողներն ուշադրություն են դարձրել այն հանգամանքի վրա, որ այս տարվա պատարագին մասնակիցների թիվը նախորդ պատարագների համեմատ զգալի պակաս է եղել:

Նշենք, որ 13-րդ դարում կառուցված վանքում 88 տարի անց՝ 2010-ին, Սումելայում առաջին անգամ թույլատրվեց պատարագ մատուցել։

http://news.am/arm/news/117350.html