«Քուրդիստանի աշխատավորական կուսակցության զինյալներն ասացին, որ ոչ մի անձնական խնդիր չունեն ինձ հետ: Սա նրանց քաղաքական քարոզչությունը տարածելու մի ձեւ է: Նրանք այս ճանապարհը ընտրել են խաղաղության մեսիջ ուղարկելու համար»,- ասել է Թուրքիայի մեջլիսի պատգամավոր Հուսեյն Այգունը։
Թուրքիայի արեւելյան Թունջելի նահանգում առեւանգված եւ 48 ժամ պահվելուց հետո նույն վայրում էլ ազատ արձակված ընդդիմադիր Ժողովրդահանրապետական կուսակցության պատգամավոր Հուսեյն Այգունն արդեն հասցրել է նման հայտարարություն անել:
Հավանաբար նա դեռ երկար հանդես կգա հայտարարություններով. 48 ժամ շարունակ Թուրքիայում քննարկման հիմնական հարցը դարձել էր այդ առեւանգումը։ Այն դարձավ նաեւ ներքաղաքական պայքարի հերթական առիթ, երբ Էրդողանի կուսակցության ներկայացուցիչները ոչ այնքան հարգալից եւ մտահոգ էին արտահայտվել առեւանգման փաստի մասին։ Այժմ պատգամավորը ցուցմունք է տալիս իր առեւանգման առնչությամբ:
Leave a Reply