Հայերի համար ավերված ավետիս

«Ռադիքալ» թերթի փոխանցմամբ Մարդինի Քըզըլթեփե գավառում գտնվող Սուրբ Գևորգ եկեղեցին ավերակների վերածվելուց հետո հանձնվել է Մարդինի հայ կաթոլիկ հիմնադրամին:

Մարդինի Քըզըլթեփե գավառում գտնվող Սուրբ Գևորգ հայկական եկեղեցին, որը սկսել էր փլուզվել, (պողոտան, որտեղ գտնվում է եկեղեցին, կոչվում է «Քիլիսեի /եկեղեցու/ պողոտա») վերանորոգելու որոշումից հետո հանձնվել է Մարդինի հայ կաթոլիկ հիմնադրամին:

Սուրբ Գևորգ եկեղեցին, որի կառուցման թվականը ստույգ հայտնի չէ, սակայն պետք է, որ շատ հին կառույց լինի, Գյուղատնտեսության նախարարությունը որպես գյուղատնտեսական դեղամիջոցների պահեստ է օգտագործել: Եկեղեցին հայտնաբերել է Ռագըփ Զարաքոլուն իր մի այցելության ժամանակ: 2004 թ. պահպանության տակ վերցված և վերանորոգումը նախատեսվող եկեղեցու պահակ Ա. Օ.-ն «պարտականությունների մեջ թերանալու» մեղադրանքով ձերբակալվել է. պահակը գանձ գտնելու համար հատակը 7 մ փորել է: 2007 թ. մինչ օրս վերանորոգվել նախատեսվող եկեղեցին հատակը փորելու պատճառով փլկուզման եզրին է: 

Կանգուն են եկեղեցու միայն 4 պատը և որոշ հատվածներ: Հատակի փլուզման պատճառով վերանորոգման աշխատանքները կիսատ են մնացել, և քանի որ այլևս չեն կարողացել աշխատանքները շարունակել, եկեղեցին հանձնել են Մարդինի հայ կաթոլիկ հիմնադրամին` ասելով թե «կարող եք վերանորոգել»: Եկեղեցին ներկայիս տեսքով լուսանկարած Զյուբեյդե Սարըն նշել է, որ մինչ 2000-ական թթ. եկեղեցու գոյության մասին հայտնի չի եղել. «Իմացանք, որ Քըզըլթեփեում եկեղեցի կա, սակայն անունը հայտնի չէր: Ավերակների էր վերածվել: Որպես գյուղատնտեսական դեղամիջոցների պահեստ օգտագործելու համար բետոնե սյուներ էին հավելել: Որոշել էին վերանորոգել, սակայն պահակը փորել, գնացել էր: Ըստ էության, երբ եկեղեցու հատակը փլվել էր, հանձնել էին Հայ կաթոլիկ Սուրբ Գևորգ հիմնադրամին»:

«Ռադիքալ», 15.08.2012