Օրհնեսցի ողկոյզ… այգւոյս այս նշանաւ…

Օգոստոսի 12-ին Հայ Առաքելական եկեղեցին տոնեց տաղավար տոներից Սուրբ Աստվածածնի վերափոխման տոնը: Ինչպես հայտնի է աշխարհի մյուս քրիստոնեական եկեղեցիներն այն տոնում են օգոստոսի 15-ին, սակայն հայ Առաքելական եկեղեցին տոնում է օգոստոսի 15-ին մոտ կիրակի օրը: Տոնն ուղեկցվում է Խաղողօրհնեքով, որն օրվա խորհրդին հիանալի երանգ է հաղորդում:

Պոլսո Բոյաջը գյուղի Սրբոց Երից Մանկանց եկեղեցում Սարգիս քահանա Քոյումճյանի ձեռամբ մատուցվեց սուրբ պատարագ: Պատարագին Տեր հայրը օրհնեց արևահամ խաղողի ողկույզները, որը բաժանվեց ժողովրդին: Այնուհետև եկեղեցու բակում տեղի ունեցավ հյուրասիրություն:

Բոյաջը գյուղի Սրբոց Երից Մանկանց եկեղեցին կառուցվել է 1836 թ. Միսաք ամիրայի ծախսերով: 1838 է Ստեփանոս Բ պատրիարքի ձեռամբ եկեղեցին օծվել է: 1984 թ. եկեղեցին վերանորոգվել է: 1999 թ. օգոստոսի 17-ի տեղի ունեցած երկրաշարժի արդյունքում բավականին վնասներ է կրել: 2004 թ. հունիսի 26-ին ձեռամբ Մեսրոպ Բ պատրիարքի եկեղեցին վերբացվել է:

akunq.net