Թուրքիան Սիրիայի իշխանություններին մեղադրել է քուրդ գրոհայիններին զինելու համար

Թուրքիան Սիրիայի իշխանություններին բացահայտ մեղադրել է Քրդական  բանվորական կուսակցության գրոհայիններին զինելու համար: Օգոստոսի 9-ին նման հայտարարությամբ է հանդես եկել Թուրքիայի ԱԳ նախարար Ահմեդ Դավութօղլուն:

 «Բաշար Ասադը նրանց զենք է մատակարարում, դա փաստ է: Մենք արդեն քայլեր ենք ձեռնարկել սպառնալիքը չեզոքացնելու ուղղությամբ», – ասել է նախարարը:

Նա նշել է, որ թուրքական հետախուզությունը Սիրիայի հյուսիսում գտել է սիրիական կառավարության կողմից զինված քուրդ գրոհայինների, գրում է lenta.ru-ն վկայակոչելով Reuters-ին:

Ավելի վաղ թուրքական պաշտոնատար անձինք բազմիցս հայտարարել էին, որ թույլ չեն տա քրդական գրոհայիններին հաստատվել հարեւան երկրում: Ավելին` Անկարան սպառնացել էր զորքերի  ներխուժմամբ:

Իր խոսքերի հաստատման համար Թուրքիան սիրիական սահմանի մոտ է  տեղափոխել ռազմական երեք ջոկատ` զինված ականապատ մեքենաներով եւ ուղղաթիռներով: Նախորդ շաբաթ այդ զորքերը ցուցադրական ելույթներ են ունեցել Սիրիայից մի քանի կմ հեռավորության վրա: 

Բացի դրանից` Անկարան խոստացել է միջամտել սիրիական քաղաքացիական պատերազմին, եթե կառավարական զորքերը փորձեն ջարդ կազմակերպել Հալեպում, որտեղ արդեն երկու շաբաթ չեն դադարում Ասադի կողմնակիցների եւ հակառակորդների բախումները:

http://news.am/arm/news/116652.html