Վանի Կտուց կղզում գտնվող համանուն եկեղեցին վերանորոգվելու է

«Ջիհան» լրատվական գործակալության փոխանցմամբ Վանի նահանգապետարանը զբոսաշրջությանը զարկ տալու նպատակով Աղթամարի Սուրբ Խաչ եկեղեցուց հետ պատրաստվում է վերանորոգել Կտուց կղզում գտվող համանուն եկեղեցին, որը գործել է մինչ 1915 թ.:

Վանա լճի հյուսիս-արևելքում` ափից 10 րոպե հեռավորության վրա գտնվող Կտուց կղզում, Սուրբ Հովհաննեսի պատվին կառուցված Կտուց վանական համալիրը վերանորոգվելու է Վանի նահանգապետարանի կյանքի կոչած նախագծի շրջանակներում: Եկեղեցում ուսումնասիրություններ կատարող Վանի «Յուզունջու յըլ» համալսարանի Ճարտարապետության և ինժեներության ֆակուլտետի դասախոս դոցենտ, դոկտոր Շեհաբեդդին Օզթուրքի խոսքերով եկեղեցին կառուցվել է 15-րդ դարում, սակայն 1720 թ. շրջանում տեղի ունեցած երկրաշարժի պատճառով եկեղեցու մեծ մասն ավերվել է: Մինչև 1915 թ. կանգուն մնացած այս կառույցը լոկ վանք չի եղել, ունեցել է նաև լրացուցիչ կառույցներ:

Օզթուրքը հայտնելով, որ չափագրման և վերանորոգման նախագծի հետ կապված աշխատանքներն ավարտվել են, շրջանային շահագրգիռ խորհուրդները տվել են իրենց համաձայնությունը, ասել է. «2011 թ. տեղի ունեցած երկրաշարժի հետևանքով եկեղեցին մեծ վնաս չի կրել: Անհրաժեշտ է գիտական պեղումների միջոցով գտնել եկեղեցու հյուսիսային և արևմտյան հատվածներում տեղակայված լրացուցիչ կառույցները, որոնք պետք է կատարվեն վերանորոգման աշխատանքներին զուգահեռ: Ըստ էության Վանի նահանգապետարանն ու Մշակույթի և զբոսաշրջության նահանգային վարչությունը ևս շահագրգռված է և աշխատանքներ է կատարում այս ուղղությամբ»:

Akunq.net

09.08.2012