Իրանական արբանյակային Press-TV հեռուստաընկերությունը օգոստոսի 7-ին հայտնել է, որ թուրքական բանակի միավորումները զրահապատ մեքենաների եւ մարտական ուղղաթիռների ուղեկցությամբ հատել են սիրիական սահմանը եւ մտել են քրդերով բնակեցված Ջարաբլուս քաղաք:
Ներխուժման մասին այլ աղբյուրներից ստացված տեղեկատվություն չկա, գրում է «լենտա.ru»-ն:
Ջարաբլուս քաղաքը գտնվում է Թուրքիայի սահմանին` Հալեպից 100 կմ հեռավորության վրա: Նախկինում հայտնի է դարձել, որ հուլիսի 19-ին այս բնակավայրի նկատմամբ հսկողություն են սահմանել «Սիրիայի ազատ բանակի» ապստամբները:
Անցյալ շաբաթվա ընթացքում սիրիական սահմանի մի քանի հատվածներում թուրքական հրամանատարությունը կենտրոնացրել էր տասնյակ տանկեր եւ հազարավոր զինծառայողներ: Պաշտոնական տվյալներով, նրանք բոլորն անցել են ուսումնավարժություններ` յուրացնելով կոշտ տեղանքով շարժվելու հմտությունները:
Բացի այդ` թուրքական ղեկավարությունը հայտնել է, որ անպայման մուտք կգործի սահմանակից երկրի տարածք, եթե այնտեղ հաստատվեն Քրդական աշխատավորական կուսակցության զինյալները:
CNN-ի` հյուսիսային Սիրիայի թղթակից Այվեն Ուոթսոնի փոխանցմամբ, ՔԲԿ ակտիվիստները ոչ միայն հաստատվել են Սիրիայի հյուսիսում, այլ այնտեղ արդեն կառուցում են պաշտպանական հենակառույցներ:
Leave a Reply