Դինքի դատավարության համար նախագահ Աբդուլլահ Գյուլին արդարության պահանջներ են ներկայացրել

«Արդարություն ենք պահանջում» ստորագրահավաք արշավի մասնակիցները, ովքեր անհանգստանում են, որ թեև Հրանտ Դինքի սպանություից անցել է 5 տարի, սակայն որևէ շոշափելի արդյունքի չեն հասել, այցելել են նախագահ Գյուլին: Ինչպես հայտնում է «Ակօս» շաբաթաթերթը, երեկ տեղի ժամանակով ժամը 16:00 «Արդարություն ենք պահանջում» ստորագրահավաք արշավի մասնակիցները, Թարաբիա պալատում նախագահից պահանջել են, որպեսզի սպանության բացահայատման վերաբերյալ շոշափելի քայլեր ձեռնարկվեն:

Նախքան Գյուլի հետ հանդիպումը` հարցի վերաբերյալ կատարած հայտարարության մեջ «Արդարություն ենք պահանջում» արշավի խոսնակ Օմեր Ֆարուք Գերգերլիօղլուն հայտնել է, որ այս ժամանակահատվածում միայն մարդասպաններն են դատվել, մինչդեռ դատարանը սպանության վերաբերյալ Պետական վերահսկիչ խորհրդի պատրաստած զեկույցի վերաբեյալ անհրաժեշտ քայլեր չի կատարել:    

Գերգերլիօղլուն շեշտելով սպանության լուսաբանման կապակցությամբ  Պետական վերահսկիչ խորհրդի պատրաստած զեկույցի կարևորությունը` ասել է. «Գրեթե իրավական ոճրագործություն է, որ այս դատավարությունն այսպիսի ավարտ ունենա: Այդ օրից ի վեր որևէ շարժ չենք տեսնում ո’չ վարչական մարմիններից, ո’չ էլ դատարանից: Որևէ շաևժ չկա: Մինչդեռ անհրաժեշտ էր նորից վարչական հետաքննություն, դատավարություն սկսել: Սա չկատարելու համար որևէ պատճառ չկա»:

Թարաբիա պալատում  տեղական ժամանակով ժամը 16:00 նախագահի հետ հանդիպմանը մասնակցել են «Արդարություն ենք պահանջում» ստորագրահավաքի կոչերով հանդես եկող Ջմալ Ուշաքը (Լրագրողների և գրողների հիմնադամի փոխնախագահ), Յըլդըզ Ռամազանօղլուն (հետազոտող, գրող), Հիլալ Քափլանը («Յենի շաֆաք» թերթի սյունակագիր), Օմեր Ֆարուք Գերգերլիօղլուն («Մազլումդեր»-ի նախկին նախագահ, «Միլաթ» թերթի սյունակագիր): Հանդիպումից հետո նախատեսվել է մամլո ասուլիս:

«Արդարություն ենք պահանջում» ստորագրահավաքի նախաձեռնողներն են

Օմեր Ֆարուք Գերգերլիօղլու, Յըլդըզ Ռամազանօղլու, Ջեմալ Ուշշաք, Ջևաթ Օզքայա, Ռըդվան Քայա, Հիդայեթ Շևքաթլի Թուքսալ, Ահմեդ Ֆարուք Ունսալ, Ուսթուն Բոլ, Նևզաթ Չիչեք, Մեհմեդ Բեքարօղլու, Աբդուրահման Դիլիփաք, Ուֆուք Չոշքուն, Ֆաթմա Բոսթան Ունսալ, Յըլմազ Էնսարօղլու, Թաներ Այազ, Բեթուլ Այազ, Էմրուլլահ Բեյթար, Ջիհան Աքթաշ, Գյուլջան Թեզջան, Ջահիթ Քոյթաք, Ադնան Ինանչ, Նեսլիհան Աքբուլութ, Հիլալ Քափլան, Ֆադիմե Օզքան, Օզլեմ Ալբայրաք, Բուրհան Քավունջու, Բյուլենթ Շահին Էրդեգեր, Յասին Աքթայ, Ռամազան Քայան, Հյուսեին Հաթեմի, Քեզբան Հաթեմի, Նուրեդդին Շիրին:

«Ակօս»