Թուրքիան շարունակում է Սիրիայի սահմանի մոտ զորավարժությունները

Թուրքիան, հակառակ միջազգային հանրության զգաստացնող կոչերի, շարունակում է զորավարժություններ իրականացնել Սիրիայի սահմանի մոտ: Ինչպես հաղորդում է «Արմենպրես»-ը` վկայակոչելով թուրքական «Վաթան» պարբերականը, զորավարժություններն իրականացվում են Օնջուփընարի սահմանային շրջանում:
Զորավարժություններն իրականացնելու համար թուրք-սիրիական սահման է բերվել մեծ թվով զրահատեխնիկա: Թուրքական լրատվամիջոցների փոխանցամամբ` զորավարժությունները որոշակի ընդմիջումներով տեղի են ունենում ողջ օրվա ընթացքում:
Թուրքական զինուժի նման նախաձեռնությունը վերջին շրջանում առաջին անգամը չէ: Այս կապակցությամբ միջազգային հանրությունը արդեն հասցրել է հայտնել իր դժգոհությունը, մասնավորապես` ԱՄՆ պետքարտուղարությունը կոչ է արել Թուրքիայի զորքերը ետ քաշել Սիրիայի հետ սահմանից և ավելի չռազմականացնել իրադրությունը:

http://armenpress.am/arm/news/689447/turqian-sharunakum-e-siriayi-sahmani-mot-zoravarzhutyunnery.html