Վանում երկրաշարժից փլուզված հյուրանոցի տիրոջը` 22,5 տարվա ազատազրկում

Թուրքիայում ոչ որակյալ կառուցված հյուրանոցի տիրոջ համար պահանջում են 22,5 տարվա ազատազրկում:
Ինչպես տեղեկացնում է «Անադոլու» գործակալությունը, մեղադրող կողմը Թևֆիք Բայրամին արդեն ներկայացրել է մեղադրանքը:

Վանում գտնվող «Բայրամ» հյուրանոցը, որը պատկանում էր Թևֆիք Բայրամին, ավերվել էր 2011 թ. նոյեմբերի 9-ին տեղի ունեցած 5,6 բալ ուժգնությամբ երկրաշարժի հետևանքով:

Թուրքիայի դատախազությունում գտել են, որ հյուրանոցը կառուցված չի եղել համապատասխան չափանիշներով , ինչի հետևանքով էլ փլուզվել է: Բայրամը, ով կառուցել և ղեկավարում էր հյուրանոցը, կարող է 22,5 տարի անցկացնել ճաղերի հետևում:

http://www.haynews.am/hy/1343903987