Թուրքիայում Բայազետի նախկին քուրդ քաղաքապետը դատապարտվել է 7,5 տարվա ազատազրկման

Ներկայում Թուրքիայի տարածքում գտնվող Բայազետի նախկին քուրդ քաղաքապետ Մուքադես Քուբիլայը արգելված կազմակերպության անդամ լինելու մեղադրանքով դատապարտվել է 7,5 տարի ազատազրկման։
Firat գործակալության փոխանցմամբ՝ Բայազետի նախկին քաղաքապետ Մուքադես Քուբիլայի դեմ դատական գործ էր բացվել՝ 2009-ի մարտի 8-ին եւ Նովրուզի տոնակատարություններից մեկի ժամանակ արված հայտարարության համար։
Մուքադես Քուբիլայը Էրզրումի ծանր հանցագործությունների գործերով 2-րդ դատարանի կողմից դատապարտվել է 7,5 տարի ազատազրկման, սակայն վճիռը ուժի մեջ կմտնի, երբ վճռաբեկը հաստատի նրա պատժաչափը։
Նշենք, որ Թուրքիայում այս պահի դրությամբ բանտերում պատիժ են կրում 35 քուրդ քաղաքապետեր եւ 6 քուրդ պատգամավոր։

http://news.am/arm/news/115617.html