Թուրքական բանակը տանկային զորավարժություններ է սկսել Սիրիայի սահմանին

Թուրքիայի բանակը տանկերի մասնակցությամբ խոշոր զորավարժություններ է սկսել Սիրիայի սահմանի մոտ, որոնց նպատակը տանկային ստորաբաժանումների գործողությունների միասնականության մշակումն է, հաղորդում է «ՌԻԱ նովոստի» գործակալությունը:
Զորավարժություններին, որոնք անց են կացվում են երկրի հարավ-արևելյան Մարդին նահանգում, մասնակցում են մոտոհրաձգային ստորաբաժանումներ և 25 տանկ:
«Անցկացվում են պլանային զորավարժություններ, որոնք կշարունակվեն մոտ երկու օր», – լրագրողներին հայտարարել է Մարդինի նահանգապետ Թուրխան Այվազը:
Հիշեցնենք, որ նախորդ շաբաթ Թուրքիայի վարչապետ Ռեջեփ Թաիփ Էրդողանը հայտարարել էր, որ Անկարան իրեն է վերապահում Սիրիայի տարածքում քուրդ գրոհայիններին ոչնչացնելու իրավունքը, որոնց Դամասկոսը ենթադրաբար Սիրիայի հյուսիսում որոշ տարածքներ է տրամադրել:

http://tert.am/am/news/2012/08/01/turkey-syria-25/