Աղթամարի Սուրբ Խաչ եկեղեցին պատրաստվում է պատարագի

Վանա լճի Աղթամար կղզում գտնվող հայկական Սուրբ Խաչ եկեղեցում մեկնարկել են այս տարի նախատեսվող պատարագին ուղղված աշխատանքները:

Այդ մասին հաղորդում է Անադոլու լրատվական գործակալությունը: Աղբյուրի փոխանցմամբ` այս տարվա պատարագի կապակցությամբ, որը եկեղեցու վերաբացումից հետո թվով երրորդը կլինի, Վանի նահանգապետարնում ժողով է իրականացվել` փոխնահանգապետ Աթայ Ուսլուի նախագահությամբ: Վերջինս ժողովից առաջ լրագրողներին հայտնել է, որ սույն թվականի սեպտեմբերի 9-ին նախատեսվող պատարագը, ամեն տարվա նման, կկազմակերպվի Գևաշի գավառապետարանի կողմից: Ուսլուն նաև նշել է, թե “Ծովային ճամփորդություն` Ուրարտուից մինչև Սելջուկլու” նախագծի շրջանակներում ամեն շաբաթվա վերջ Վանից ջրային զբոսանքներ են կազմակերպվելու դեպի Բիթլիսի Ահլաթ գավառը:

 Akunq.net