Բաթմանի Սասուն գավառից գաղթած հայերը տարիներ անց պատարագ են մատուցել Մարութա լեռան վրա գտնվող եկեղեցում: Այդ մասին հաղորդում են թուրքական լրատվամիջոցները:
ԱՄՆ-ից, Ռուսաստանից, Ֆրանսիայից, Իտալիայից, Հայաստանից, ինչպես նաև` Ստամբուլից և Թուրքիայի այլ շրջաններից այստեղ ժամանած սասունցի հայերը հուլիս ամսվա վերջին շաբաթը, որը սուրբ շաբաթ են հռչակել, անցկացրել են Մարութա լեռան գագաթին: Մուտքիի և Սասունի հայերի համերաշխության միության կողմից կազմակերպված այս ուխտագնացության մասնակիցները հյուրասիրվել են Օրհանաղա գյուղի բնակիչների կողմից: Ուխտագնացների համար 25 ոչխար և այծ մորթած գյուղացիներն իրենց գոհունակությունն են արտահայտել Մարութայի այս ավանդական տոնը հայ գյուղացիների հետ նշելու կապակցությամբ: Մուտքիի և Սասունի հայերի համերաշխության միության նախագահ Արամ Դեմիրը հայտնել է, թե որպես կազմակերպություն` առաջին անգամ են նման միջոցառում նախաձեռնում:
Ուխտավորները լեռ մագլցելուց հետո պատարագ են մատուցել Մարաթուկի Բարձր Աստվածածին եկեղեցում, որի ժամանակ` ողջ գիշեր, չեն դադարել հայերեն, քրդերեն, արաբերեն և թուրքերեն լեզուներով երգերի կատարումները:
Akunq.net
Leave a Reply