Oda TV-ի գործում ներգրավված թուրք լրագրող Ահմեդ Շըքի դեմ հարուցված նոր գործի մեղադրականը ընդունվել է դատարանի կողմից: Դատական առաջին նիստը տեղի կունենա սեպտեմբերի 13-ին:
Դատախազությունը պահանջում է Ահմեդ Շըքին դատապարտել 3-ից 7 տարվա ազատազրկման:
Նոր գործը հարուցվել էր նրանց` բանտից դուրս գալու օրը` լրագրողների հետ զրույցում Շըքի արած հայտարարությունների համար, որը թուրք պաշտոնյաները վիրավորանք ու սպառնալիք էին համարել:
Նա մեղադրվում է պաշտոնյաներին սպառնալու և հասարակական գործիչներին վիրավորելու մեջ:
Հիշեցնենք, որ Ահմեթ Շըքը, Նեդիմ Շեները և այլ մի շարք լրագրողներ մեղադրվում էին ընդհատակյա «Էրգենեկոն» ցանցի հետ առնչություններ ունենալու համար, սակայն բանտարկության ողջ ընթացքում իրենց ներկայացվող մեղադրանքը չէին ընդունել:
Նեդիմ Շեները Հրանտ Դինքի սպանության մասին պատմող երկու գրքի հեղինակ է և պնդում էր, որ իրենց բանտարկել են լռեցնելու նպատակով:
Թե՛ Ահմեթ Շըքը, թե՛ Նեդիմ Շեները բանտից դուրս գալիս հայտարարել էին, որ շարունակելու են պայքարը` հանուն արդարության:
Leave a Reply