Մեհեդ Մորանը բողոքել է եկեղեցու վերանորոգման դեմ

Մալաթիայի քաղաքապետարանի խորհրդի անկախ անդամ Մեհմեդ Մորանը հերթական անգամ հանդես է եկել անհանդուրժողականություն սերմանող հարցադրումներով: Ինչպես հայտնում է թուրքական «gunestv.com»-ը, Մորանը պնդելով, թե հասակարությունը բավարար չափով տեղեկացված չէ Մալաթիայում հայերի առնչությամբ կատարվող աշխատանքների մասին, պահանջել է, որպեսզի լուսաբանեն դրանք:

Մալաթիայի քաղաքապետարանի խորհրդի անկախ անդամ ՄեհմեդՄորանն իր գրավոր հայտարարության մեջ ասել է. «Տեղյակ եղեք, որ երկար ժամանակ է, ինչ հարգելի նահանգապետի գլխավորությամբ տեղական ղեկավարները բազմիցս գաղտնի և բացահայտ հանդիպումներ են ունեցել և մի շարք որոշումներ կայացրել հայ ղեկավարների հետ: Իմացեք, որ կայացված որոշումների շրջանակում` աչք են փակել Քիլթեփեում գտնվող հայկական գերեզմանոցում վերջին աղոթքի համար նախատեսված մատուռի, պահակատան  և դիակը լվանալու համար նախատեսված սրահի կառուցման վրա, որը կատարվել է առանց թույլտվության և բարեկարգման պլանի, այս ապօրինի շինարարությունը թաքցրել են Մալաթիայի հասարակությունից, այնուհետև որոշ ատյանների ճնշումներ արդյունքում պարզ է դարձել, որ Մալաթիայի քաղաքապետարանի խորհրդում Արդարություն և զարգացում կուսակցության` Մալաթիայի քաղաքապետարանի խորհրդի անդամների և Ժողովրդահանրապետական կուսակցության` Մալաթիայի քաղաքապետարանի խորհրդի անդամների համաձայնությամբ կրկին որոշել են շարունակել վերանորոգումը, և եկեղեցին այժմ վերակառուցվում է Մալաթիայի ժողովրդի գումարներով` 156 հազար թուրքական լիրայով (ինքնարժեքը 197 հազար 500 թուրքական լիրա է)»:

Մորանը հայտնելով, թե ինքը միայնակ դեմ է արտահատվել Թաշհորոն եկեղեցու վերանորոգման հետ միասին Թաշհորոն եկեղեցու հողատարածքում գտնվող և Մալաթիայի քաղաքապետարանին պատկանող 429 քմ հողակտորի բաժինը 20 հազար թուրքական լիրայով Նահանգային հատուկ վարչությանը տալուն, սակայն Արդարություն և զարգացում կուսակցության` Մալաթիայի քաղաքապետարանի խորհրդի անդամների և Ժողովրդահանրապետական կուսակցության` Մալաթիայի քաղաքապետարանի խորհրդի անդամների համաձայնության արդյունքում ձայների մեծամասնությամբ հակառակ որոշումն է կայացվել, նշեց, որ ըստ տեղական լուրերի` Մալաթիայի նահանգային հատուկ վարչության բյուջեից Թաշհորոն եկեղեցու վերանորոգման և գործելու համար որոշակի դոտացիաներ են հատկացվել, սակայն չկա որևէ տեղեկություն, որում նշված լինի, թե այդ դոտացիայի չափը: Մորանը, հիմք ընդունելով իր ձեռքին եղած տեսաձայնագրությունը, Մալաթիայի տեղական ղեկավարներին` կայացված այս որոշումներում իր ներդրումն ունեցած հարգելի նահանգապետի գլխավորությամբ, քաղաքապետ Ահմեդ Չաքըրին, Նահանգային գլխավոր խորհրդի նախագահ, հարգելի Նաջի Սավաշթային, նահանգային գլխավոր խորհրդի և քաղաքապետարանի խորհրդի անդամներին ուղղել է հետևյալ հարցերը.

-Թաշհորոն եկեղեցու համար, որի մասին Մալաթիայի ժողովրդին չեք կարողանում լուսաբանել, որքա՞ն դոտացիա եք հատկացրել:

-Որքա՞ն է Մալաթիայում այն եկեղեցիների թիվ, որոնք ցանկանում են վերանորոգել, ես գիտեմ, որ 4-ն է:

-Ճի՞շտ է արդյոք այն հայտարարությունը, թե քանի որ Մալաթիայի Հաքիմհան գավառում՝ ժանդարմերիայի շրջանում, գտնվող հին հիմնաքարերը եկեղեցու է պատկանել, ժանդարմերիային հանելու եք շրջանից և տարածքում պեղումներ կատարելով` եկեղեցի կառուցելու: 

-Երբ Թուրքիայի Հանրապետության և Մալաթիայի քարտեզի վրա որպես Հաքիմհան հիշատակվող գավառի անունը հարգելի նահանգապետն իր սենյակում Հայ Մալաթիա է հիշատակել, այսինքն, երբ Հաքիմհան անունը չեղյալ է համարել, հետաքրքիր է, թե ինչ հակազդեցություն է եղել, կպարզաբանե՞ք:

-Մալաթիայի Վանք շրջանում գտնվող եկեղեցու ավերակները ցանկանում եք վերակառուցե՞լ:

-Հիմք ընդունելով հայ ներկայացուցչի պահանջը՝ կատարված այս աշխատանքները պաշտպանության տակ առնելու նպատակով ե՞րբ եք մտածում գրանցել:

-Հայտնի որոշումներից բացի սփյուռքի վերաբերյալ ինչպիսի՞ որոշումներ եք կայացրել, որոնց մասին չգիտենք:

-Գիտե՞ք, որ որոշ հայ ներկայացուցիչներ Մալաթիան ընդունում են որպես Արևմտյան Հայաստանի մաս կազմող տարածք:

-Չնայած Մալաթիայի ժողովրդի ցուցաբերած հակազդեցությանը՝ մտածում եք շարունակե՞լ նմանատիպ ձեր աշխատանքները:

Անձամբ իմ և Մալաթիայի ժողովրդի անունից պահանջում եմ, որ նահանգապետի գլխավորությամբ` բոլոր իրավասուները տան հարցերիս պատասխանը:

http://www.gunestv.com/?islem=hbd&ID=9403&isim=mehmet-moran-kilise-onarimina-tepkili.html